Լավրովը ժամանել է Նյու Յորք՝ մասնակցելու ՄԱԿ-ի միջոցառումներին

ՌԴ ԱԳ նախարար Սերգեյ Լավրովը ժամանել է Նյու Յորք, որտեղ հուլիսի 16-17-ը բաց բանավեճեր է վարելու ՄԱԿ-ի Անվտանգության խորհրդի նախարարների մակարդակով, հայտնում է РИА Новости-ն։

Հուլիսի 1-ին Համաշխարհային կազմակերպության Անվտանգության խորհրդի նախագահությունը մեկ ամսով անցել է Ռուսաստանին։

Երեքշաբթի Լավրովը կմասնակցի բազմակողմ համագործակցության վերաբերյալ բաց բանավեճի։ Չորեքշաբթի օրը ռուս նախարարը բաց նախարարական բանավեճ է վարելու Մերձավոր Արևելքում տիրող իրավիճակի, այդ թվում՝ Պաղեստինի հարցի շուրջ։

Ինչպես հայտնում են ՌԴ դիվանագիտական ​​գերատեսչությունից, նախարարի այցի ծրագիրը ձևավորվում է մի շարք երկրներ, որոնք հետաքրքրություն են հայտնել երկկողմ հանդիպումներ անցկացնելու համար։ ՌԴ արտաքին գործերի փոխնախարար Սերգեյ Ռյաբկովը լրագրողներին ասել է, որ ԱՄՆ-ն, Նյու Յորքում կայանալիք միջոցառումների շրջանակում, Լավրովի և Միացյալ Նահանգների պետքարտուղար Էնթոնի Բլինկենի միջև հանդիպում չի խնդրել: