կարևոր
1780 դիտում, 3 շաբաթ առաջ - 2024-06-20 15:17
Քաղաքական Աշխարհ

ՌԴ ԱԳՆ-ն հայտարարել է Կապանում գլխավոր հյուպատոսություն բացելու ծրագրերի մասին

ՌԴ ԱԳՆ-ն հայտարարել է Կապանում գլխավոր հյուպատոսություն բացելու ծրագրերի մասին

Մոսկվան ակնկալում է մոտ ապագայում Հայաստանի Կապան քաղաքում ՌԴ գլխավոր հյուպատոսություն բացել։ Այս մասին ТАСС-ին տված հարցազրույցում ասել է ՌԴ պետքարտուղար, փոխարտգործնախարար Եվգենի Իվանովը։

«Հայաստանում գլխավոր հյուպատոսություն և Մալդիվներում գլխավոր հյուպատոսություն բացելու հրամաններ են տրվել։ Այժմ Ինդոնեզիայի Բալիում կբացվի գլխավոր հյուպատոսություն։ Ներկայումս մենք աշխատում ենք այս ուղղությամբ։ Ընդհանուր առմամբ, սա բավականին մեծ կազմակերպչական-տեխնիկական աշխատանք է»,- նշել է փոխնախարարը։

Հայաստանում գլխավոր հյուպատոսության բացման մոտավոր ժամկետների մասին ճշտող հարցին ի պատասխան՝ դիվանագետը նշեց, որ դա սպասվում է «մոտ ապագայում»։ 

«Մենք դա ակնկալում ենք մինչև տարեվերջ»,- հավելեց փոխնախարարը։

Իվանովը նաև հիշեցրել է Ռուսաստանի արտաքին գործերի նախարար Սերգեյ Լավրովի կողմից ավելի վաղ հայտարարված ծրագրերը՝ «մի շարք աֆրիկյան երկրներում նոր դիվանագիտական ​​ներկայացուցչություններ բացելու մասին»: