կարևոր
4519 դիտում, 1 շաբաթ առաջ - 2024-06-08 19:25
Քաղաքական

Տարածքներ են հանձնելու, մոտ ապագայում 200-300 հազար ադրբեջանցի կարող է բնակվել Հայաստանում. Վարդան Օսկանյան

Տարածքներ են հանձնելու, մոտ ապագայում 200-300 հազար ադրբեջանցի կարող է բնակվել Հայաստանում. Վարդան Օսկանյան

Այս իշխանությունների օրոք մենք կորցրեցինք Ղարաբաղը որպես պետություն, որպես տարածք, որպես հայրենիքի մաս, այսօր Արցախ գոյություն չունի, այս իշխանությունները Արցախը սկուտեղի վրա հանձնել են Ադրբեջանին: Այս մասին ֆեյսբուքյան իր տեսաուղերձում ասել է ՀՀ նախկին արտգործնախարար Վարդան Օսկանյանը` հավելելով, որ նույնիսկ Ադրբեջանը իր ամենալավ երազում չէր կարող պատկերացնել, որ նման իրավիճակ կստեղծվի:

«Այս իշխանություններին հաջողվեց դա անել, նրանք Արցախը դատարկ հանձնեցիբ թշնամիներին: Այսօր Ադրբեջանը ներխուժել  է ՀՀ սուվերեն տարածք եւ դրա դեմ ոչինչ չի արվում: 4000 զոհ են տվել, երիտասարդները զոհվել են այս իշխանությունների վարած սխալ քաղաքականության արդյունքում, 10 հազար երիտասարդ հաշմանդամներ կան: Եւ սա դեռ ամենը չէ, սկսվեց Կիրանցից, մենք շարունակելու ենք տարածքներ տալ, միգուցե միջանցք էլ տան, միգուցե  200-300 հազար ադրբեջանցի գան, օրեցօր փոքրացող Հայաստանի տարածքում ապրեն, երբեք չզարմանաք, որ տեսնեք` մոտ ապագայում այս ամենը իրականություն դառնա»,-ասաց նա:

Օսկանյանը նշեց, որ ի լրումն այս ամենի, որպեսզի կարողանան այս ամենը կայուն եւ ընկալելի դարձնել փորձում են փոխել այս ժողորվրդի էությունն ու ինքնությունը: 

«Այսօր մեր պայքարը հենց սրա դեմ է: Այս իշխանությունների համար հայ նշանակում է մի պիտակ, որ չունի բովանդակություն, Հայաստանը մի աշխարհագրական տարածք է, որտեղ կարող են ապրել: Այս իշխանությունների համար ընդհանրապես հայրենքի գոյություն չունի, ավելին` սրանց համար գոյություն չունի նաեւ Աստված»,- ասաց նա:

Վարդան Օսկանյանը նշեց, որ ինքը համամիտ է Բագրատ Սրբազանի հետ, որ այս շարժմանը մասնակցելով մենք մեր պատմության ընթացքն ենք բեկում: