Բա եթե Արցախը 1996-ից Ադրբեջանինն էր, որդուդ Ադրբեջանի՞ բանակ էիր ճանապարհում․ Շարմազանովը՝ Փաշինյանին

ՀՀԿ փոխնախագահ Էդուարդ Շարմազանովը գրում է.

«Կապիտուլյանտ, դու էիր ասում 2019 թ-ին Արցախի խորհրդարանականների հետ հանդիպմանը, որ Պուտինը քեզ ասել է .«Նույնիսկ Ալիեւն է հասկանում, որ Լեռնային Ղարաբաղը Ադրբեջանի կազմում չի լինի»։

Բա ո՞նց էր 1996 թ-ից Արցախն անցնում Ադրբեջանին, եթե Պուտինն է ասում հակառակը։

Ապրիլյան պատերազմից հետո, Սերժ Սարգսյանի օրոք Ալիեւն է ասել՝ փակ դռների հետեւում կա մեծ ճնշում ճանաչելու Լեռնային Ղարաբաղի անկախությունը։

2019-ի օգոստիսին դու էիր ասում՝ Արցախը Հայաստան է։

Քո թիմակիցներն էին ասում՝ Ակնան մեր հայրենիքն է։

Դու էիր ասում՝ ինչ պետքա, դա էլ բանակցում եմ։

Դու էիր որդուդ Արցախ ծառայության ճանապարհում։

Բա եթե Արցախը 1996-ից Ադրբեջանինն էր, որդուդ Ադրբեջանի՞ բանակ էիր ճանապարհում։

Դու էիր 2020-ին Շուշիում Արցախի նախագահի երդմնակալությանը մասնակցում։

Բա եթե Արցախը 1996-ից Ադրբեջանինն էր, առանց Ալիեւի ի՞նչ էիր անում Շուշիում։

Քո խոսույթը ոտքից գլուխ ադրբեջանական է, Նիկոլ Փաշինյան։

Դու քեզ պահում ես Ալիեւի դեսպանի նման, Նիկո՛լ։

Լռիր ու մարդկանց ավանակի տեղ մի դիր»։