կարևոր
2500 դիտում, 3 ամիս առաջ - 2024-03-13 18:38
Հասարակություն

Դատավոր Արուսյակ Ալեքսանյանի խափանման միջոցը փոխվել է

Դատավոր Արուսյակ Ալեքսանյանի խափանման միջոցը փոխվել է

Դատավոր Արուսյակ Ալեքսանյանի նկատմամբ ընտրված խափանման միջոցը փոխվել է։ Այս մասին հայտնել է փաստաբան Էրիկ Ալեքսանյանը։

«Ընկերս գնում է տուն»,- գրել է նա։

Նշենք, որ Աջափնյակ 1 նստավայրի դատավոր Արուսյակ Ալեքսանյանը անազատության մեջ է 2022թ.-ի հոկտեմբերի 19-ից: 

Հիշեցնենք, որ ըստ մեղադրանքի՝ Էրիկ Ալեքսանյանը, դատավոր Արուսյակ Ալեքսանյանի հետ նախնական պայմանավորվածություն ունենալով, 2022թ․-ի սեպտեմբերի 12-ին և 17-ին՝ Արուսյակ Ալեքսանյանի հերթապահության օրերին, երկու միջնորդություն է ներկայացրել դատարան՝ Սերգեյ Գրիգորյանի նկատմամբ որպես խափանման միջոց ընտրված կալանքը գրավով փոխարինելու մասին: Այս եղանակով, ըստ մեղադրող կողմի, նրանք փորձել են ստեղծել արհեստական ծանրաբեռնվածություն՝ հույս ունենալով, որ դրանցից մեկը կմակագրվի Արուսյակ Ալեքսանյանին։ Սեպտեմբերի 12-ի միջնորդությունը քննել է դատավոր Արմեն Շիրոյանը և մերժել այն։

Սեպտեմբերի 17-ի միջնորդությունը դատարանի նախագահի պաշտոնակատար Գագիկ Պողոսյանը մակագրել է Արուսյակ Ալեքսայանին, սակայն նույն օրը Պողոսյանն այն վերամակագրել է Արմեն Շիրոյանին՝ հաշվի առնելով այն հանգամանքը, որ Սերգեյ Գրիգորյանի վերաբերյալ նախորդ միջնորդությունները Շիրոյանն էր քննել: