կարևոր
2410 դիտում, 1 ամիս առաջ - 2024-02-24 16:05
Հասարակություն

Սեպտեմբերի 28-ին և 29-ին կկատարվի Մայր Տաճարի վերաօծումը և Սրբալույս Մյուռոնի օրհնությունը

Որոշում է կայացվել և արդեն ծանուցվել է Մայր Տաճարի վերաօծման և Սրբալուս Մյուռոնօրհնության արարողությունները կազմակերպել սույն թվականի սեպտեմբերի 28-29-ին՝ Ս. Գևորգ զորավարի և Վարագա Ս. Խաչի տոներին։ Այս մասին հայտնեց Մուշեղ եպիսկոպոս Բաբայանը։

«Փառք տանք Աստծուն հնարավոր լինի, նախորդը հետաձգեց ու այդպիսի առիթներ Տիրոջ օրհնությամբ չպետք է լինեն»,- ասաց Մուշեղ եպիսկոպոս Բաբայանը։

Նշենք, որ Մայր Աթոռ Սուրբ էջմիածնում այսօր հազարավոր քաղաքացիներ էին հավաքվել ՝ ի աջակցություն Վեհափառ Հայրապետի և Հայ Առաքելական եկեղեցու։

Ավելի վաղ հաղորդվել էր, որ «Վարդանանք» անունով շարժումը պատրաստվում են փետրվարի 24-ին ակցիա իրականացնել՝ ընդդեմ Վեհափառի՝ պահանջելով նրա հրաժարականը: Ընդդեմ Վեհափառի այս շարժման նախաձեռնողը Անդրանիկ Դովլաթյանն է:

Նրանք դիմել էին Էջմիածնի քաղաքապետարան՝ ընդդեմ Վեհափառի ակցիա իրականացնելու համար, սակայն քաղաքապետարանը մերժել է ու թույլ չի տվել ակցիա իրականացնել: