Ոչ մի Աթոռ հավերժ չէ, և յուրաքանչյուր ոք կրելու է իր բաժին պատասխանատվությունը. հայտարարություն

«Որդիների Կանչ» ՀԿ-ն  հայտարարություն է տարածել, որում նշված է.

«Դատավոր Մասիս Մելքոնյանը անփոփոխ թողեց Գարիկ Գալեյանի խափանման միջոց տնային կալանքը, երկարացնելով այն ևս 2 ամսով, դրանով իսկ հաստատելով իր հավատարմությունը գործող իշխանությանը, ում համար բարձրագույն արժեքը Աթոռն է և անկախ մարդու` թեկուզ պետությանը տված ամենաթանկ բանից` զավակից, պետք է հնարավորինս երկար մեկուսացվի, եթե նա, ըստ աթոռատերի, փոքր ինչ խախտում է այդ Աթոռի կայունությունը։ Սակայն այստեղ թյուրըմբռնում կա։

Ոչ մի Աթոռ հավերժ չէ, և յուրաքանչյուր ոք կրելու է իր բաժին պատասխանատվությունը, իրեն բաժին ընկած Աթոռին նստած և գործած հանցավոր արարքների և կայացրած որոշումների համար, լինի դա երկրի գործող ղեկավար, թե կամակատար դատավոր»: