կարևոր
1885 դիտում, 1 ամիս առաջ - 2024-02-20 17:22
Քաղաքական

Արցախի իշխանությունները ներողություն են խնդրել Եռաբլուրում տեղի ունեցած միջադեպի համար

Արցախի իշխանությունները ներողություն են խնդրել Եռաբլուրում տեղի ունեցած միջադեպի համար

Արցախի Հանրապետության իշխանությունները ցավում են «Եռաբլուր» զինվորական պանթեոնում «24News.am» լրատվամիջոցի ներկայացուցիչների մասնակցությամբ այսօր տեղի ունեցած միջադեպի համար, հայցում նրանց ներողամտությունը: Այս մասին հայտարարություն է տարածել Արցախի տեղեկատվական շտաբը։

Անթույլատրելի որակելով տեղի ունեցածը՝ նախագահ Սամվել Շահրամանյանը միջադեպից ժամեր անց ընդունել է լրատվամիջոցի ներկայացուցիչներին, լսել նրանց ու դատապարտել կատարվածը:

Հիշեցնենք՝ 24News-ի խմբագրակազմը հայտարարություն էր տարածել, որ Եռաբլուրում Շահրամանյանի ուղեկցող անձը աչքի է ընկել խուլիգանական պահվածքով, հայհոյել է իրենց լրագրողին ու օպերատորին։

Ավելի վաղ Հայաստանի Ժուռնալիստների միությունը հայտարարություն էր տարածել՝ անդրադառնալով տեղի ունեցած միջադեպին։