Այս պահին Երևանում

28 04 2024
EUR	⚊	416.29
GBP	⚊	485.57
GEL	⚊	145.08
RUB	⚊	4.22
USD	⚊	388.08

կարևոր

Ոտքի՛, քանի չի հանձնել․ ՀՅԴ «Նիկոլ Աղբալյան» ուսանողական միության ակցիան
18 ժամ առաջ Հասարակություն
Աջակցում ենք Տավուշում սկսված համահայկական պայքարին․ Կոնսերվատորիայի միասնական շարժում
19 ժամ առաջ Հասարակություն
Երիտասարդները, ի աջակցություն Տավուշի, ակցիա են իրականացրել համերգային ու թատրոնի դահլիճներում
20 ժամ առաջ Հասարակություն
Ադրբեջանցին անարգել մուտք է գործելու Տավուշի սահմաններից ներս․ պատգամավորի իրազեկման ակցիան Իջևանում
20 ժամ առաջ Քաղաքական
Մահացել է հայոց ազատամարտի երգիչ Սահակ Սահակյանը
20 ժամ առաջ Հասարակություն
«Ոտքի՛, քանի քեզ էլ չեն հանձնել». կանայք բողոքի լուռ ակցիա են անում Երևանում
1 օր առաջ Հասարակություն
Գյումրիում հազիվ 3 տասնյակ մարդ է մասնակցել Փաշինյանի սիրելի տոնին
1 օր առաջ Քաղաքական
Դուք սկի՞ տղա չեք, մի՞թե հայրենիքից ու պատվից թանկ բան կա․ Լիլիթ Գալստյան
1 օր առաջ Քաղաքական
Կյանքից հեռացել է ազատամարտիկ Արթուր Ղարիբյանի մայրը՝ Գոհար Կարապետյանը
1 օր առաջ Հասարակություն
Մոսկվան աջակցում է Երևանի և Բաքվի միջև շփումների շարունակմանը. Դմիտրի Պեսկով
1 օր առաջ Քաղաքական

2797 դիտում,

6 ամիս առաջ - 2023-10-02 19:58

Հասարակություն

Ամենայն Հայոց Կաթողիկոսն ընդունեց Լիբանանի Հանրապետության սոցիալական հարցերի նախարարին

Հոկտեմբերի 2-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Լիբանանի Հանրապետության սոցիալական հարցերի նախարար Հեկտոր Հաջջարին։

Հանդիպմանը ներկա էին նաև Լիբանանի Հանրապետության երիտասարդությա ն և սպորտի նախկին նախարար Վարդինե Օհանյանը և Հայաստանում Լիբանանի Հանրապետության արտակարգ և լիազոր դեսպան տիկին Մայա Դաղերը։

Ամենայն Հայոց Կաթողիկոսը, ողջունելով նախարարի այցը Մայր Աթոռ Սուրբ Էջմիածին, իր գնահատանքը հայտնեց սոցիալական ոլորտում Հայաստանի հետ գործակցության համար:

Հանդիպմանը Վեհափառ Հայրապետն անդրադարձավ ադրբեջանական իշխանությունների որդեգրած ցեղասպան քաղաքականությանը, որի արդյունքում հայաթափվեց Արցախը։ Նորին Սրբությունը խոր մտահոգությամբ ընդգծեց, որ բռնի տեղահանված արցախահայությունը հայտնվել է սոցիալական ծանր կացության մեջ։ Ստեղծված այս իրավիճակում Հայոց Հայրապետը հատկապես կարևորեց տեղահանված հայորդիների կեցության, կրթական խնդիրների, աշխատանքի ապահովման առաջնահերթությունները։ Այս առնչությամբ Նորին Սրբությունը նշեց, որ Հայոց Եկեղեցին, ըստ ամենայնի, փորձում է իր օգտակարությունը բերել կորուստների, ցավի ու նեղությունների մեջ հայտնված արցախահայությանը, և հնարավորության սահմաններում անհրաժեշտ հոգածությունը ցուցաբերում իրենց կեցության ու կարիքների բավարարման հարցում։

Զրույցի ընթացքում Ամենայն Հայոց Կաթողիկոսը, խոսելով Ադրբեջանի կողմից հայկական հոգևոր, մշակութային ժառանգության ոչնչացման փաստերի մասին, կարևորեց հետևողական ջանքերի ներդրումը դրանց պահպանման գործում։

Հայոց Հովվապետն իր երախտագիտությունը հայտնեց Լիբանանի իշխանություններին և ժողովրդին՝ ցեղասպանությունը վերապրած հայորդիներին իրենց երկրում ապաստան տալու և Հայաստանին մշտապես աջակցելու համար։

Իր հերթին նախարար Հեկտոր Հաջջարը ընդգծեց, որ Լիբանանը ևս անցել է նմանատիպ մարտահրավերների միջով և պատկերացնում է Հայաստանի առջև ծառացած խնդիրները։ Պարոն Հաջջարը տեղեկացրեց Ամենայն Հայոց Կաթողիկոսին, որ իր այցը նպատակ է հետապնդում ծանոթանալու Արցախից բռնի տեղահանված հայերի սոցիալական խնդիրներին և հնարավորինս աջակցելու դրանց հաղթահարմանը:

Միացիր մեր Telegram ալիքին

բաժանորդագրվել