Հայ ազգը նորից կանգնած է ցեղասպանության վտանգի առաջ․ ՀՅԴ ՆԱՈՒՄ անդամ

Շուրջ 7 ամիս է Արցախը շրջափակված է, զրկված է գազից, էլեկտրականությունից և անգամ տարրական առողջապահական միջոցներից։ Այս մասին ՀՅԴ Հայաստանի Գերագույն մարմնի «SOS Artsakh» կարգախոսով նախաձեռնած 24-ժամյա նստացույցի ժամանակ ասաց ՀՅԴ ՆԱՈՒՄ անդամ Ռուդիկ Ավանեսյանը։

«Այս հումանիտար աղետը Ադրբեջանի ցեղասպան քաղաքականության արդյունքն է։ 1915 թվականի ցեղասպանությունից հետո հայ ազգը նորից կանգնած է ցեղասպանության վտանգի առաջ։ Այս 7 ամիսը ցույց տվեց, որ Արցախը չի կարող լինել Ադրբեջանի կազմում, սա ասում է հենց ինքը՝ Ադրբեջանը։ Կոչ ենք անում գործուն քայլեր ձեռնարկել, որ Արցախում մեղմվի հումանիտար ճգնաժամը»,- ասաց նա։