Սուրեն Պապիկյանն այցելել է հանրապետության հարավարևմտյան սահմանագոտի

Մայիսի 4-ին այցելել եմ հանրապետության հարավարևմտյան սահմանագոտի: Այս մասին ֆեյսբուքյան իր էջում գրել է ՊՆ նախարար Սուրեն Պապիկյանը։

«Սահմանագոտու մարտական դիրքեր այցի ընթացքում հանդիպել եմ մարտական հերթապահություն իրականացնող վարժական հավաքի մասնակիցների հետ, զրուցել ծառայությանն առնչվող հարցերի շուրջ, լսել բարձրացրած հարցերը և առաջարկները: Վարժական հավաքի մասնակիցներին ներկայացրել եմ ԶՈՒ բարեփոխումների ընթացքը:

Պատասխանատու ստորաբաժանման հրամանատարին հանձնարարել եմ ներկայացնել այն կարիքները, որոնք առաջնահերթ են մարտական հերթապահություն իրականացնող ստորաբաժանումների ծառայությունը լիարժեք և արդյունավետ կազմակերպելու, մարտական դիրքերն առավել անխոցելի դարձնելու համար»,- գրել է նա: