Ապրիլի 13-ին վիրավորում ստացած զինծառայողի բուժման ընթացքում դրական դինամիկա կա

Ապրիլի 13-ին՝ հրազենային վիրավորում ստացած ՊՆ N զորամասի զինծառայող Հ. Ս.-ի բուժման ընթացքում դրական դինամիկա կա: Այս մասին  հայտնում են ՀՀ ՊՆ-ից:

Հիշեցնենք, որ ապրիլի 13-ին, նախնական տվյալներով իրեն ամրակցված զենքից, հրազենային վիրավորում է ստացել ՊՆ N զորամասի զինծառայող Հ. Ս.-ն:

Զինծառայողի առողջական վիճակն ի սկզբանե գնահատվում էր կայուն ծանր: Դեպքի առթիվ ՀՀ քննչական կոմիտեի զինվորական քննչական գլխավոր վարչության իններորդ կայազորային քննչական բաժնում ՀՀ քրեական օրենսգրքի 522-րդ հոդվածի 2-րդ մասի 3-րդ կետով նախաձեռնվել է քրեական վարույթ:

Կատարվում են անհրաժեշտ և անհետաձգելի քննչական և վարույթային այլ գործողություններ՝ դեպքի հանգամանքները պարզելու ուղղությամբ: