կարևոր
2923 դիտում, 1 տարի առաջ - 2023-01-09 09:13
Հասարակություն

Արցախի նախադպրոցական և երկարօրյա ուսումնական հաստատությունների աշխատանքը սննդի անբավարարության պատճառով կկասեցվի

Արցախի նախադպրոցական և երկարօրյա ուսումնական հաստատությունների աշխատանքը սննդի անբավարարության պատճառով կկասեցվի

Արցախի նախադպրոցական հաստատությունների, հանրակրթական դպրոցների նախադպրոցական խմբերի և երկարօրյա ռեժիմով աշխատող դպրոցների աշխատանքը սննդի ոչ բավարար մատակարարման պատճառով ժամանակավորապես կկասեցվի։ Այս մասին հայտնում է Արցախի տեղեկատվական շտաբի էջը՝ վկայակոչելով երկրի կրթության, գիտության, մշակույթի և սպորտի նախարարությունը։

«Արցախը Հայաստանին կապող միակ ճանապարհը Ադրբեջանի կողմից արգելափակվելու պատճառով հանրակրթական դպրոցներում և նախադպրոցական հաստատություններում ուսումնական գործընթացը ս.թ. հունվարի 9-ից կկազմակերպվի հետևյալ եղանակով.

Նախադպրոցական հաստատությունների, հանրակրթական դպրոցների նախադպրոցական խմբերի և երկարօրյա ռեժիմով աշխատող դպրոցների աշխատանքը սննդի ոչ բավարար մատակարարման պատճառով ժամանակավորապես կկասեցվի։

Հանրակրթական դպրոցները կշարունակեն գործել բնականոն հունով:

Դադարեցված ուսումնական գործընթացի վերսկսման վերաբերյալ կտրվի լրացուցիչ տեղեկատվություն»,- տեղեկացնում է Արցախի ԿԳՄՍ նախարարությունը: