կարևոր
2983 դիտում, 1 տարի առաջ - 2022-12-17 10:25
Քաղաքական

Ինչո՞ւ էր կալանավորվել Էրիկ Ալեքսանյանը. «Հրապարակ»

Ինչո՞ւ էր կալանավորվել Էրիկ Ալեքսանյանը. «Հրապարակ»

«Հրապարակ» թերթը գրում է.

«Հոկտեմբերի 17-ին ձերբակալված, ապա կալանավորված փաստաբան Էրիկ Ալեքսանյանն ազատ կարձակվի: Նրան մեղադրում էին դատավոր Արուսյակ Ալեքսանյանին աջակցելու համար, իսկ վերջինս մեղադրվում էր պաշտոնեական լիազորությունները չարաշահելու համար:

Ըստ հրապարակված տեղեկությունների, խոսքը «Ֆազ» մականունով մեղադրյալի կալանքը փոխելու մասին էր, իսկ փաստաբանն ընդամենը միջնորդություն էր ներկայացրել` վերջինիս կալանքը փոխելու վերաբերյալ:

Այդ օրերին փաստաբանի գործընկերները, իրավաբաններ, քաղաքական գործիչներ բարձրաձայնում էին, որ մեղադրանքը քաղաքական է, քանի որ Էրիկ Ալեքսանյանը հայտնի է ընդդիմությանը պաշտպանելու գործերով, իսկ մեղադրանքի հիմքում բացառապես նրա պրոֆեսիոնալ գործողություններն են, սակայն դատարանը կալանքի սանկցիա տվեց:

Երեկ, սակայն, դատարանը մերժել է կալանքը երկարաձգելու միջնորդությունը, Ալեքսանյանն ազատ կարձակվի ամսի 19-ին, քանի որ դատարանի նախորդ որոշմամբ սահմանված երկամսյա կալանքն այդ օրն է ավարտվում»:

Մանրամասները՝ թերթի այսօրվա համարում։