ՏԵՍԱՆՅՈՒԹ․ Այս իշխանությունների համար հայրենիք, սկզբունքներ, ինքնասիրություն, նամուս, թասիբ՝ սաղ զրո են․ Առուշ Առուշանյան

Այստեղ հաճախ տարբեր գորիսեցիների եմ տեսնում, Հայաստանի տարբեր մարզերից մարդիկ ներգարավված են այս պրոցեսների մեջ, մարդիկ պատրաստ են մարտնչելու մինչև վերջ՝ դա մեր  կամքն ավելի է ուժեղացնում՝ Yerkir.am-ի հետ հարցազրույցում ասաց Գորիս համայնքի ղեկավար Առուշ Առուշանյանը Ֆրանսիայի հրապարակում։

«Արցախի 10 հազար քառ կմ-ն է օկուպացված․ մեր պայքարը թշնամու՝ միայն ՀՀ սուվերեն տարածք մտնելու դեմ չպետք է լինի, մենք պետք է պայքարենք և այս «իշխանություն» կոչվածներին չպետք է թույլ տանք, որ հաջորդող գործողություններում որևիցե դերակատարում ունենան։ Եթե վարչապետն ինքն է արտահայտվում, որ Տեղ գյուղից այն կողմ Ադրբեջան է, իսկ Տեղ գյուղը Գորիսին կպած գյուղ է, մենք այս իշխանությունից ուրիշ ի՞նչ պետք է սպասենք, այստեղից կարո՞ղ ենք ենթադրել, որ հենց կանխամտածված, պլանավորված էր այս պատերազմը, և եղավ այն, ինչ եղավ, և ավելի վատ բաներ էլ են լինելու։ Որովհետև այս իշխանությունների համար հայրենիք, սկզբունքներ, ինքնասիրություն, նամուս, թասիբ՝ սաղ զրո են»,-ասաց Առուշ Առուշանյանը։

Նա նշեց, որ ինքը որպես ՀՀ քաղաքացի է այս պրոցեսներին մասնակցում, և մինչև վերջ գնալու է․ սա մեր պետության փրկության համար պայքար է, որ այս անհայրենիքները գնան։

Մանրամասն՝ տեսանյութում․