Զգուշացնում ենք ռեկտորատին՝ վերականգնե՛ք, տեղադրե՛ք Արցախի դրոշը. երթը հասավ Մանկավարժական համալսարանի մոտ

Մի քանի օր առաջ մենք, այդ թվում՝ այդ համալսարանի ուսանողները, Մանկավարժական համալսարանի մոտ կախել ենք Արցախի դրոշը, սակայն հիմա տեսնում եմ, որ Արցախի դրոշը հանվել է: Այս մասին մեգաֆոնով հայտարարեց Մալաթիա-Սեբաստիայից սկիզբ առած անհնազանդության երթի երիտասարդ մասնակիցներից մեկը:

«Մենք հիմա բոլորս զգուշացնում ենք Մանկավարժական համալսարանի ռեկտորատին՝ վերականգնե՛ք, տեղադրե՛ք Արցախի դրոշը, եթե դուք չարեցիք, մենք ենք անելու, եւ դուք եք խայտառակ լինելու Արցախի դրոշը հանելու համար: Դրոշը հանողին ամոթ»,- ասաց նա:

Ցուցարարները սկսեցին վանկարկել՝ «Ուսանո՛ղ, միացի՛ր»:

Դրանից հետո մի խումբ երիտասարդներ մտան համալսարանի շենք եւ կրկին տեղադրեցին Արցախի դրոշը: