Հրդեհ Երևանում գործող մարկետներից մեկում․ ժամանել են հրշեջ փրկարարներն ու Երևանի գնդի պարեկները

Երեւանում, այսօր, ապրիլի 19-ին, հրդեհ է բռնկվել Երևանում. ժամը 06։20-ի սահմաններում ԱԻՆ Փրկարար ծառայության 911 ճգնաժամային կառավարման կենտրոն ահազանգ է ստացվել, որ Զաքարիա Սարկավագի փողոցի 67/1 հասցեում գտնվող մթերային խանութում ծուխ է նկատվում, և հնարավոր է՝ հրդեհի հետևանք է։ ՜

Shamshyan.com-ի հաղորդմամբ, օպերատիվորեն ժամանել են ԱԻՆ ՓԾ Երևանի թիվ 5-րդ հրշեջ-փրկարարական ջոկատից 1 մարտական հաշվարկ։  Օպերատիվորեն ժամանել են նաև «Գազպրոմ Արմենիա» ընկերության և  «Հայաստանի էլեկտրական ցանցեր» ընկերության ներկայացուցիչները։ 

Պարզվել է՝ այրվել է Սերգեյ Շահվբազյանին պատկանող մթերային խանութի ծխախոտի համար նախատեսված մոտ 20 քմ դարակները և ջերմահարվել է մոտ 15 քմ կախովի առաստաղը։  Ժամանել են նաև ոստիկանության Քանաքեռ-Զեյթունի բաժնի հերթապահ խումբը։ Թե ինչն է եղել կրակի պատճառը՝ պարզ կլինի մի շարք փորձաքննություններ կատարելուց հետո։