Միայն հայ ազգի ու Արցախի թշնամին կարող է պղծել Արցախի դրոշը․ Էդուարդ Շարմազանով

Դրանք պետության նկատմամբ իրականացրել են ծանր հանցագործություն, դեռևս կա դատարանի վճիռ, ու  ազատության մեջ են․ «Սասնա ծռեր»-ի մասին  նման կարծիք հնչեցրեց  Էդուարդ Շարմազանովը։

Հիշեցնենք, որ «Սասնա ծռեր» համահայկական շարժումն իր ֆեյսբուքյան էջում տեսանյութ  է հրապարակել, որում երևում է, թե ինչպես են իրենց ներկայացուցիչները պղծում Ֆրանսիայի հրապարակում բարձրացված՝ Արցախի Հանրապետության դրոշը:

«Եթե Հայաստանում դեռ կա որևէ պետական մարմին, ուժային կառույց, որևէ մարդ,  որի համար թանկ է Եռաբլուրը, մեր 30-ամյա պայքարը, Արցախի Հանրապետությունը, պետք է հստակ գործղություններ իրականացնեն, որովհետև միայն  հայ ազգի ու Արցախի թշնամին կարող է պղծել  Արցախի դրոշը։  Եթե  Արցախի դրոշը պղծողները դեռ ազատության մեջ են, ուրեմն  թուրքական վիլայեթ է այլևս Հայաստանը»,- ասաց Շարմազանովը։