Ռուսաստանը հաստատել է Անթալիայում դիվանագիտական ​​ֆորումին և Սիրիայի հարցով հանդիպմանը մասնակցությունը

Ռուսաստանի և Թուրքիայի ԱԳ նախարարներ Սերգեյ Լավրովը և Մևլութ Չավուշօղլուն չորեքշաբթի հեռախոսազրույց են ունեցել. ՏԱՍՍ-ին հայտնել է թուրքական հանրապետության արտաքին գործերի նախարարության աղբյուրը։

«Բանակցությունների ընթացքում քննարկվել են Ռուսաստանի Դաշնության և Ուկրաինայի միջև լարվածության հետ կապված վերջին զարգացումները, և նախարար Չավուշօղլուն ընդգծել է այդ խնդրի լուծման համար դիվանագիտական նախաձեռնությունների կարևորությունը։ Այդ կապակցությամբ Չավուշօղլուն հաստատել է, որ մեր երկիրը պատրաստ է ընդունել Ռուսաստանի Դաշնության և Ուկրաինայի միջև հանդիպումները»,- ասել է աղբյուրը։

Նա նաեւ նշել է, որ «նախարար Լավրովը հաստատել է իր մասնակցությունը մարտի 11-13-ը Անթալիայում կայանալիք դիվանագիտական ֆորումին, ինչպես նաեւ Աստանայի ձեւաչափով Սիրիայի հարցով հանդիպմանը»։