Պուտինը հնարավոր է Թուրքիա այցելի փետրվարի երկրորդ կեսին

Ռուսաստանի նախագահ Վլադիմիր Պուտինը փետրվարի երկրորդ կեսին հնարավոր է այցելի Թուրքիա. հայտնում է A haber հեռուստաալիքը։

«Այցը, որի ժամկետը հայտնի կդառնա Պեկինի օլիմպիական խաղերից հետո, կկայանա փետրվարի երկրորդ կեսին»,- հաղորդում է հեռուստաալիքը։

Ավելի վաղ Թուրքիայի արտգործնախարար Մևլութ Չավուշօղլուն հայտարարել էր, որ ՌԴ նախագահ Վլադիմիր Պուտինի այցը Թուրքիա հնարավոր է Պեկինի օլիմպիական խաղերի բացմանը նրա մասնակցությունից հետո։ ՌԴ նախագահի մամուլի խոսնակ Դմիտրի Պեսկովն ասել էր, որ Պուտինը կօգտվի նախագահ Թայիփ Էրդողանի՝ Թուրքիա այցելելու հրավերից, հենց համաճարակաբանական իրավիճակը և ժամանակացույցը թույլ տան։