Ապրանքաշրջանառությունը Հայաստանի եւ Ուկրաինայի միջեւ 2021թ. արդյունքներով ավելացել է 24 տոկոսով

Ապրանքաշրջանառությունը Ուկրաինայի եւ Հայաստանի միջեւ 2021թ. կազմել է 159,9 մլն դոլար եւ ավելացել է 24 տոկոսով։ Այս մասին AnalitikaUA.net-ին տեղեկացրել է Հայաստանի Հանրապետությունում Ուկրաինայի գործերի ժամանակավոր հավատարմատար Դենիս Ավտոնոմովը։

Դիվանագետի խոսքով՝  Ուկրաինայից արտահանումը Հայաստան կազմել է 135,46 մլն դոլար եւ ավելացել է 19,47 տոկոսով։ Հայկական ներմուծումն Ուկրաինա կազմել է 13,48 մլն դոլար եւ ավելացել 35,29 տոկոսով։

Ինչպես տեղեկացվել էր ավելի վաղ, Հայաստանը շահագրգռված է, որպեսզի տարբերակի իր շուկային հատիկավորների եւ եգիպտացորենի մատակարարումները, ինչն ինքնաբերաբար կանդրադառնա  ապրանքաշրջանառության էլ ավելի մեծացմանը։

Պարբերականը նաեւ նշում է, որ Հայաստանում իրականացվում է էլեկտրամեքենաների համար Ուկրաինայի հայերի միության կողմից լցակայանների բացման սոցիալական նախագիծը, երկրում արդեն բացվել է 24 էլեկտրալցակայան Ուկրաինայի հայերի կողմից։