Էրդողանը հրամանագիր է ստորագրել Հայաստանում Թուրքիայի հատուկ ներկայացուցիչ նշանակելու մասին

Թուրքիայի նախագահ Ռեջեփ Թայիփ Էրդողանը հրամանագիր է ստորագրել Սերդար Քըլըչին Հայաստանում հատուկ ներկայացուցիչ նշանակելու մասին։

Ըստ թուրքական ԶԼՄ-ների` երկրի ղեկավարի հրամանը երեքշաբթի հրապարակվել է Resmi Gazete պաշտոնական կայքում։

Ավելի վաղ Քըլըչը եղել է ԱՄՆ-ում, Ճապոնիայում և Լիբանանում Թուրքիայի դեսպանը։

Հիշեցնենք, որ հունվարի 14-ին Մոսկվայում պետք է կայանա Թուրքիայի և Հայաստանի հատուկ ներկայացուցիչների առաջին հանդիպումը, որի ընթացքում քննարկվելու են երկու երկրների հարաբերությունների կարգավորմանն ուղղված քայլերը։

Ազգային ժողովի փոխնախագահ Ռուբեն Ռուբինյանը նշանակվել է Թուրքիայի հետ երկխոսության հարցերով՝ Հայաստանի հատուկ ներկայացուցիչ։