«Փաշինյանի բանավոր ցուցումով մեր զորքերը Սյունիքի հատվածում մինչև վերջին միլիմետրը հետ են քաշվել»

Մենք խաղաղությանն ու սահմանազատմանը դեմ չենք, պարզապես այսօր պայմաններ չկան, հակառակորդի կողմից շարունակական ճնշումները շարունակվում են, փաստացի ներխուժել են մեր սահմաններ, ռազմավարական բարձունքներ, ճանապարհներին են: Այս մասին ԱԺ-ում լրագրողների հետ ճեպազրույցում ասաց «Հայաստան» խմբակցության ղեկավար Սեյրան Օհանյանը:

«Այս մեկ տարվա փորձը ցույց է տալիս, որ ՀՀ իշխանություններն առանց ներքին կամ միջազգային օրենսդրական ընթացակարգերի, ինքնուրույն, մեկ մարդու որոշմամբ ընդունում կամ ստորագրում են փաստաթղթեր կամ պայմանավորվածություն ձեռք բերում: Մեկ մարդու ցուցմամբ մեր զորքերը Սյունիքի հատվածից հետ են քաշվել մինչև վերջին միլիմետրը։ Սահմանազատումն ու սահմանագծումը երբեք չպետք է վնաս հասցնեն Արցախի ինքնորոշմանը, իսկ, ընդունելով խաղաղության պայմանները, ճանաչում ենք Ադրբեջանի տարածքային ամբողջականությանը։ Դդա նշանակում է մի մեծ քար նետել Արցախի ճակատագրի վրան»,-ասաց նա: