Բիշքեկը հերքում է Թուրքիայի կողմից Ղրղզստանում պետական ​​հեղաշրջման նախապատրաստման մասին տեղեկությունը

Թուրքիայի կողմից Ղրղզստանում պետական հեղաշրջման նախապատրաստման մասին տեղեկատվությունը կեղծ է և չի համապատասխանում իրականությանը, հայտնում է Interfax-ը՝ հղում անելով Ղրղզստանի ազգային անվտանգության պետական կոմիտեին:

Ղրղզստանի ազգային անվտանգության պետական կոմիտեն նոյեմբերի 26-ին Lenta.ru ինտերնետային կայքի «Թուրքիան բռնվել է Ղրղզստանում պետական հեղաշրջման նախապատրաստման մեջ» հրապարակման առնչությամբ հայտարարում է, որ այն կեղծ է և  չի ներկայացնում իրականությունը։

Ղրղզստանը պաշտոնապես հայտարարում է, որ օտարերկրյա պետություններից ոչ մեկը չի կարող միջամտել երկրի ներքաղաքական գործերին, և Ազգային անվտանգության պետական կոմիտեն թույլ չի տա որևէ միջամտություն, ինչպես նաև արտաքին ուժերի փորձերը՝ ազդել հասարակության և պետության գործընթացների վրա։ 

Միևնույն ժամանակ Ղրղզստանի նախագահ Սադիր Ջապարովը նոյեմբերի 25-ին զգուշացրել է, որ որոշ քաղաքական գործիչներ զինված հեղաշրջում են ծրագրում։

Ավելի վաղ Ղրղզստանում ճնշվել էր իշխանությունը ուժով զավթելու փորձը։