Ռուսական հանքավայրում միջադեպի հետևանքով զոհվածների թիվը հասել է 52-ի

Կուզբասի «Լիստվյաժնայա» հանքավայրում տեղի ունեցած արտակարգ դեպքի հետևանքով զոհվել է 52 մարդ. «Ինտերֆաքս»-ին հայտնել են Բելովսկի քաղաքային շրջանի վարչակազմից։

Վարչակազմի ներկայացուցիչն ասել է, որ զոհվածների թվում են վեց փրկարարներ և հանքափորներ։ «Տուժածները շնչահեղձ են եղել շմոլ գազից»,- նշել է նա։

Ավելի վաղ հաղորդվել էր, որ հինգշաբթի Կուզբասում գտնվող «Լիստվյաժնայա» հանքավայրում օդափոխության համակարգում ծուխ է առաջացել, 11 մարդ մահացել է։ Հանքավայրում մնում է 46 մարդ։

Այս փաստի առթիվ ՌԴ Քննչական կոմիտեն քրեական գործ է հարուցել ՌԴ ՔՕ 217-րդ հոդվածի 2-րդ մասով (վտանգավոր արտադրական օբյեկտների արդյունաբերական անվտանգության պահանջների խախտում, որն անզգուշությամբ հանգեցրել է մարդու մահվան): Երեկ երեկոյան փրկարարական աշխատանքները դադարեցվել են պայթյունի սպառնալիքի պատճառով մինչեւ այսօր առավոտ։