Արցախում գրանցվել է կորոնավիրուսի 80 նոր դեպք. 21 հիվանդի վիճակը ծայրահեղ ծանր է

Արցախի Հանրապետությունում նոյեմբերի 11-ին կատարվել է 285 թեստավորում, գրանցվել են կորոնավիրուսային հիվանդության 80 նոր դեպքեր:

Արցախի առողջապահության նախարարությունից hայտնում են, որ կորոնավիրուսային հիվանդությամբ այս պահին ստացիոնար բուժում է ստանում 146 վարակակիր: Բժիշկները 21 հիվանդի վիճակը գնահատում են ծայրահեղ ծանր, 92-ինը՝ ծանր: Նրանց թվում կան երիտասարդ տարիքի անձինք: Թեթև ձևերը բուժում են ստանում ամբուլատոր պայմաններում։

2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 19 772 քաղաքացու հետազոտություն, որոնցից 3 059-ի մոտ արձանագրվել է թեստի դրական պատասխան։

Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու: