ՏԻՄ ընտրություններում քաղաքացիների մասնակցության ցուցանիշը ժամը 11։00-ի դրությամբ

ՀՀ Կենտրոնական ընտրական հանձնաժողովը ներկայացրել է ՏԻՄ ընտրություններում քաղաքացիների մասնակցության ակտիվության ցուցանիշը՝ ժամը 11։00-ի դրությամբ։

Ըստ այդմ, ժամը 11-ի դրությամբ մասնակցությունը կազմել է 6.13 տոկոս։

Ընտրողներն առավել ակտիվ են Սյունիքի մարզի Տաթև, Մեղրի համայնքներում։ Այստեղ քվեարկությանը մասնակցել է ընտրողների 14 տոկոսից ավելին։

Սյունիքի Տեղ համայնքում քվեարկությանը մասնակցել է ընտրողների 11.26 տոկոսը։ Մնացած մյուս համայնքներում գրանցվել է 10 տոկոսից ցածր մասնակցություն։

Շիրակի մարզկենտրոն Գյումրիում ընտրողներն առավել պասիվ են, այստեղ գրանցվել է 3.92 տոկոս մասնակցություն։

Հիշեցնենք, որ այսօր Հայաստանի ինը համայնքում անցկացվում են ՏԻՄ ընտրություններ: