Արցախյան պատերազմի տարելիցի կապակցությամբ Նիդերլանդների ՀՅԴ Հայ դատի հանձնախումբը երկրի ԱԳՆ֊ում հանրագիր է հանձնել Արևելյան Եվրոպայի բաժնի պատասխանատուներ Շառլոթե վան Բաքին և Իրենե Կրախտին

Արցախյան երկրորդ պատերազմի տարելիցի կապակցությամբ Նիդերլանդների ՀՅԴ Հայ Դատի հանձնախումբը այսօր երկրի արտգործնախարարությունում հանրագիր հանձնեց Արևելյան Եվրոպայի բաժնի պատասխանատուներ Շառլոթե վան Բաքին և Իրենե Կրախտին։ Հայ Դատի հանձնախումբը ներկայացնում էին Մասիս Աբրահամյանը և Նուբար Վարդանյանը։

Բովանդակային զրույցի ընթացքում քննարկվեցին Արցախում այսօր տիրող իրավիճակը, Նիդերլանդների խորհրդարանի հայանպաստ որոշումները և կառավարության արտաքին քաղաքականությունը։ Երկուստեք բարձր գնահատվեց նման հանդիպումների կարևորությունը՝ տեղեկությունների փոխանցման և հարաբերությունների զարգացման համար։

Տիկին Բաքը վստահեցրեց, որ Նիդերլանդները շարունակելու են հնարավոր բոլոր միջոցները ներդնել Արցախի հիմնահարցի լուծման համար, ինչպես նաև Հայաստանի և Արցախի զարգացմանը հարատև աջակցություն ցուցաբերելու գործում։