Ադրբեջանի զինված ուժերի գլխավոր շտաբի պետը պաշտոնական այցով Թուրքիայում է

Վելիև Քերիմ Թոֆիգ օղլուն, որը 2021 թվականի հուլիսի 23-ին նշանակվել է Ադրբեջանի պաշտպանության նախարարության գլխավոր շտաբի պետ, պաշտոնական այցով Թուրքիայում է: Ըստ Թուրքիայի պաշտպանության նախարարության՝ այսօր Անկարայում Քերիմ Վելիևին դիմավորել է Թուրքիայի գլխավոր շտաբի պետ, գեներալ Յաշար Գյուլերը:

Թուրքիա ուղևորությունը Քերիմ Վելիևի առաջին արտասահմանյան ուղևորությունն է պաշտոնին նշանակվելուց  հետո:

Հաղորդվում է, որ երկօրյա ուղևորության ընթացքում կքննարկվեն ռազմական, ռազմատեխնիկական, ռազմակրթական և այլ ոլորտներում երկկողմ համագործակցության հարցեր: Կանցկացվեն մի շարք հանդիպումներ Թուրքիայի ռազմական ղեկավարության հետ: