Ադրբեջանցիներն ավերել են Մեծ Թաղեր գյուղի Մակուն կամուրջը․ «Caucasus Heritage Watch»

«Կովկասյան ժառանգության պաշտպանության միջազգային կազմակերպությունը» («Caucasus Heritage Watch») ահազանգել է Արցախում՝ Հադրութի շրջանի Մեծ Թաղեր գյուղում գտնվող Մակուն կամրջի ավերման մասին:

Այն քանդվել է Ադրբեջանի վերահսկողության տակ անցնելուց հետո՝ գետի հատվածում ճանապարհաշինարարական աշխատանքների ժամանակ:

Կազմակերպությունը արբանյակային լուսանկար է հրապարակել՝ ցույց տալով, որ կամուրջն ավերվել է ապրիլի 8-ից հուլիսի 7-ն ընկած ժամանակահատվածում:

Աղբյուրը նշում է նաև, որ, ճանապարհի շինարարությունից բացի, ադրբեջանական կողմն ինժեներական աշխատանքներ է իրականացնում՝ փոխելու համար Իշխանագետի հունը, որի վրայով անցնում էր կամուրջը: