ՏԵՍԱՆՅՈՒԹ․ Մինչ այսօր դատախազությունը ներողություն չի խնդրել ինձնից. Ռոբերտ Քոչարյան

«2018-ի օգոստոսին այս նույն դահլիճում առաջին դատական նիստն է եղել, որի ժամանակ ինձ կալանավորելու որոշում է կայացվել, հենց այդ ժամանակ մենք հնչեցրել ենք 300.1 հոդվածի իրավական որոշակիության խնդիր և բոլոր այլ կալանավորման որոշումները եղել են առաջին որոշման երկարացում, ես մոտ երկու տարի անցկացրել եմ բանտում, քանի որ դատախազությունը համառորեն չէր ուզում ընդունել այդ խնդիրը»:

Այս մասին դատական նիստի ժամանակ ասաց ՀՀ երկրորդ նախագահ Ռոբերտ Քոչարյանն՝ անդրադառնալով փաստաբանի միջնորդությանը: Նշենք, որ Հովհաննես Խուդոյանը միջնորդել է պատգամավորի անձեռնմխելիության հաղթահարման օրենսդրական բացի հարցով դիմել ՍԴ:

Երկրորդ նախագահն ասաց, որ իրավիճակից պետք է դասեր քաղել և եթե կա հակասահմանադրականության կասկած, դա փարատել, ինչքան հնարավոր է շուտ: