ՈւՂԻՂ. Պրոֆեսոր Արմեն Չարչյանն ազատ է արձակվում․ ուղիղ հեռարձակում՝ ՔԿՀ-ի մոտից

«Հայաստան» դաշինքի անդամ, բժիշկ Արմեն Չարչյանը ազատ է արձակվում «Վարդաշեն» ՔԿՀ-ից։

Նշենք, որ այսօր դատարանը 15 մլն դրամ գրավի դիմաց փոխեց պրոֆեսորի խափանման միջոց կալանավորումը։

Չարչյանին մեղադրանք է առաջադրվել ՀՀ ՔՕ 154.2-րդ հոդվածի հատկանիշներով՝ ընտրողներին կաշառք տալը, ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը։

Հիշեցնենք, որ համացանցում տարածվել էր մի ձայնագրություն, ըստ որի՝ Չարչյանը բժշկական կենտրոնի իր աշխատակիցներին հորդորում էր մասնակցել արտահերթ խորհրդարանական ընտրություններին։ Ըստ պաշտպանական թիմի՝ դատարան է ներկայացվել այդ ձայնագրության մոնտաժված տարբերակը, ամբողջական տարբերակում, ըստ պաշտպանների, սպառնալիք կամ ճնշում չի գործադրվել աշխատակիցների նկատմամբ։

Առաջարկում ենք դիտել ուղիղ հեռարձակումը։