Էրդողանը տվել է Ստամբուլյան ջրանցքի շինարարության մեկնարկը

Հունիսի 26-ին Թուրքիայում է դրվել է Ստամբուլի ջրանցքի՝ Մարմարա ծովը Սև ծովի հետ կապող կառավարական մեգանախագծի հիմքը։

«Այսօր մենք նոր էջ ենք բացում Թուրքիայի զարգացման պատմության մեջ: Մենք Ստամբուլի ջրանցքը գնահատում ենք որպես Ստամբուլի ապագան փրկելու, ստամբուլյան Բոսֆորի և նրա բնակիչների կյանքի ու ունեցվածքի անվտանգությունն ապահովելու նախագիծ»,- ասել է Թուրքիայի նախագահ Ռեջեփ Թայիփ Էրդողանը Ստամբուլի արևմուտքում գտնվող Սազլիդերե կամրջի բացման արարողության ժամանակ:

Թուրքիայի ղեկավարը հայտնել է, որ 15 միլիարդ դոլար արժողությամբ նախագիծը ավարտին կհասցվի վեց տարվա ընթացքում:

«Տեսեք, սա շատրվանի բացման արարողություն չէ: Այսօր մենք հիմք ենք դնում աշխարհի օրինակելի ջրանցքներից մեկին»,- մեջբերում է նրան Hurriyet-ը:

Ստամբուլի ջրանցքը, որը կկառուցվի Թուրքիայի մայրաքաղաքի եվրոպական մասում`Ստամբուլի Քյուչյուքչեքմեջե, Ավջըլար, Բաշաքշեհիր և Առնավութքյոյ թաղամասերի սահմաններում, կունենա 45 կմ երկարություն, հիմքի լայնությունը 275 մ է,  խորությունը՝ 20,75 մ: Ծրագրի վրա աշխատել են, ընդհանուր առմամբ, 204 գիտնականներ և փորձագետներ տարբեր համալսարաններից և հաստատություններից: Նախատեսվում է նաև կառուցել տարբեր տեսակի նավահանգիստներ, հանգստի գոտի և լոգիստիկ կենտրոն։