Ակնայում (Աղդամ) ադրբեջանցի է պայթել ականի վրա

Ադրբեջանի ՆԳ նախարարությունը տեղեկատվություն է տարածել ականի պայթյունի արդյունքում Աղդամի բնակչի մահվան մասին:

ՆԳՆ մամուլի ծառայության Բարդայի տարածաշրջանային խմբից APA ադրբեջանական գործակալությանը հայտնել են, որ հունիսի 8-ին Աղդամի ոստիկանության բաժանմունքում տեղեկություններ են ստացվել շրջանի բնակիչ Ջասարաթ Խաթամխանովի անհետացման մասին: Ոստիկանության և ականազերծման գործակալության աշխատակիցները սկսել են որոնողական աշխատանքները: Ենթադրվում էր, որ Խաթամխանովն անցել է  չմաքրված ականապատ տարածքներ:

Հունիսի 16-ին անօդաչու թռչող սարքերից նկարահանումների միջոցով պարզվել է Խաթամխանովի մարմնի գտնվելու վայրը՝ Սեյդլի գյուղի տարածք: