Արցախից բռնազավթված Ակնայում (Աղդամ) ականի վրա ադրբեջանցի ընտանիք է պայթել, օգնության հասածները՝ նույնպես

Ադրբեջանի կողմից բռնազավթված Ակնա (Աղդամ) այցելած ադրբեջանական ընտանիքի անդամները պայթել են ականի վրա: Տեղական ԶԼՄ-ների հաղորդմամբ՝ ականի վրա պայթել են նաև ադրբեջանցիները, որոնք օգնության էին գնացել վիրավորներին:

«Ամեն տեղ, որտեղ քայլում ես, ականներ կան, ականներ: Մենք ուզում էինք օգնել վիրավորներին, բայց ականի վրա նույնպես պայթեցինք», - trend.az-ին ասել է պայթյունից տուժած Բահրուզա Աբդուլովը:

Նա մյուս ադրբեջանցիներին կոչ է արել զերծ մնալ Արցախից զավթած տարածքներ այցելելուց: Նշենք, որ այդ տարածքներում ականի պայթյունի հետևանքով զոհվել են տասնյակ ադրբեջանցիներ՝ ինչպես զինվորական, այնպես էլ քաղաքացիական անձինք: