Հոգեկան հիվանդն աշխատանքից ազատել է գնդերի հրամանատարներին, որոնք հրաժարվել են իր քարոզն անել. Վ. Հակոբյան

Հենց նոր մենք տեղեկացանք, որ այս հոգեկան հիվանդի արկածները շարունակվում են, եւ ինքը ազատել է Մեհրաբի եւ Մեղրու գնդերի հրամանատարներին, քանի որ նրանք հրաժարվել են իր օգտին քարոզ տանել իրենց ստորաբաժանումներում:

Հավաստիացնում եմ ձեզ, որ դա ոչինչ չի փոխի, որովհետեւ իրենք ոնց խորտակվում են, նույն ճամփով էլ գնալու են դեպի հատակը,-Վայքում ընտրողների հետ հանդիպման ժամանակ, ըստ Yerkir.am-ի, հայտարարեց «Հայաստան» դաշինքի ներկայացուցիչ Վահե Հակոբյանը:

Հակոբյանն ընդգծեց, որ առաջնահերթ վերականգնելու են բանակը. մենք պետք է պատրաստ լինենք պատերազմի, որպեսզի ունենանք արժանապատիվ խաղաղություն: «Հայաստան» դաշինքի ներկայացուցիչը Վայքի բնակիչների հետ հանդիպման ժամանակ ասաց, որ զարկ են տալու նաեւ գյուղատնտեսությանը:

«Մենք վերականգնելու ենք գյուղնախարարությունը եւ աշխատեցնելու ենք խորհրդատվական ինստիտուտները: Գյուղացին չպետք է ունենա խնդիր սպառման հետ կապված»,-նշեց Վահե Հակոբյանը:

Մանրամասն՝ տեսանյութում