Մենք մահացել և վիրավորվել ենք Ղարաբաղում. սիրիացի վարձկանները բողոքում են, որ փող չեն ստացել Արցախում կռվելու համար

Արցախում Ադրբեջանի կողմից կռված սիրիացի վարձկանները բողոքում են, որ իրենց չեն վճարել Արցախյան վերջին պատերազմում կռվելու համար խոստացված գումարները. իր թվիթերյան էջում գրում է ամերիկացի լրագրող Լինդսի Սնելը։

Ռազմական գործողությունների ընթացքում էլ նմանատիպ բողոքներ լսվել են ահաբեկիչների կողմից: Վարձկանները պնդում էին, որ Թուրքիան և Ադրբեջանը իրենց խոստացել են ամսական 2000 ԱՄՆ դոլար, և, ինչպես ասել է Սիրիայից գերեվարված վարձկաններից մեկը, նաև 100 ԱՄՆ դոլար հավելավճար յուրաքանչյուր հայի կտրված գլխի համար: Սակայն խոստացված գումարների փոխարեն նրանց վճարվել են մինչև 200-300 դոլար:

Հավելենք, որ Անկարան ու Բաքուն մինչ օրս հերքում են վարձկանների մասնակցությունը պատերազմին՝ չնայած անվիճելի ապացույցների առկայությանը: