Իրանի հյուսիսային սահմանին հրաձգություն է տեղի ունեցել. Ֆիզուլիում մեկ մաքսանենգ վիրավորվել է

Ադրբեջանի սահմանապահները կրակ են բացել Իրանից սահմանը հատած երկու քաղաքացիների բերման ենթարկելու ժամանակ: Այս մասին կիրակի հաղորդել է Sputnik-ի ադրբեջանական ծառայությունը՝ հղում կատարելով երկրի պետական սահմանային ծառայությանը:

Նշվում է, որ միջադեպը տեղի է ունեցել ապրիլի 4-ին՝ տեղական ժամանակով առավոտյան 06:15-ին, «Ֆիզուլիի շրջանի Բոյուք Բահմանլի գյուղի մոտակայքում գտնվող Հորադիզ սահմանապահ ջոկատի տարածքում»:

Գործողության ընթացքում սահմանախախտներից մեկը վիրավորվել է, երկրորդը դեպքի վայրից դիմել է փախուստի և անցել Իրանի տարածք:

Դեպքի վայրում հայտնաբերված երկու փաթեթում եղել է, ընդհանուր առմամբ, 5,3 կիլոգրամ թմրանյութ: