Ռուսաստանը մարտի սկզբից 18 տոննա վարակված լոլիկ է վերադարձրել Ադրբեջան

«Ռոսսելխոզնադզոր»-ի՝ Դաղստանի Հանրապետության  գրասենյակը տեղեկացնում է, որ մարտի սկզբից Ադրբեջանից եկած 18 տոննա լոլիկ չի թույլատրվել ներմուծել Ռուսաստանի Դաշնություն․ գրում է «Ինտերֆաքս»-ը:

«Բուսասանիտարական վերահսկողության ընթացքում թույլ չի տվել 18 տոննա լոլիկ Ադրբեջանից ներմուծել Ռուսաստանի Դաշնության տարածք: Պատճառը ВНИИКР դաշնային պետական բյուջետային հաստատության լաբորատոր զեկույցն է, որը հաստատում է լոլիկի մեջ լոլիկի ցեցի (Tuta absoluta Povolny) հայտնաբերումը»,- ասել են գերատեսչությունում:

Ըստ տվյալների՝ ապրանքը հետ են վերադարձվել Ադրբեջան: Բացի այդ՝ ապրանքի տերերը վարչական պատասխանատվության են ենթարկվել Ռուսաստանի Դաշնության Վարչական օրենսգրքի 10.2 («Կարանտինի ենթակա ապրանքների ներմուծման և արտահանման կանոնների խախտում») հոդվածով: