Թուրքիան դատապարտել է Ռուսաստանին «Ղրիմի թաթարներին գրավյալ թերակղզում» ձերբակալելու համար

Անկարան անհանգստացած է Ղրիմում տիրող իրավիճակով, որտեղ նախօրեին ձերբակալվել էին Ղրիմի էթնիկ թաթարներ․ հաղորդում է Anadolu-ն:

«Թուրքիան անհանգստացած է Ռուսաստանին կցված Ղրիմի մեր հայրենակիցների՝ թաթարների տներում կատարված խուզարկություններով, ինչպես նաև նրանց կալանավորման մասին որոշումներով»,- ասել է թուրքական ԱԳՆ-ն:

Թուրքիայի արտաքին գործերի նախարարությունը կոչ է արել դադարեցնել այդ պրակտիկան Ղրիմի թաթարների նկատմամբ, որոնք թերակղզու բնիկ բնակիչներն են:

Թուրքիան չի ճանաչում Ղրիմի բռնակցումը և ապագայում շարունակելու է աջակցություն ցուցաբերել Ղրիմի թաթար ժողովրդին. ասվում է հաղորդագրության մեջ: