Թուրք օկուպանտները ևս մեկ բազա են կառուցում Այն Իսայի մոտակայքում

Թուրքական օկուպացիոն ուժերը փորձել են մեկ այլ ռազմաբազա հիմնել սիրիական Միշրեֆ գյուղի մոտակայքում. հաղորդում է Hawar գործակալությունը։

Բազան տեղակայված է M4 միջազգային ճանապարհից և Միշրեֆ գյուղից մեկ կիլոմետր հյուսիս և Այն Իսայի շրջանի կենտրոնից 3 կիլոմետր հեռու. M4 ճանապարհից մեկ կիլոմետր հարավ գտնվում է նաև սիրիական զինված ուժերի և ռուսական զորքերի կետը:

Հունվարի 5-ին թուրք օկուպանտները ռազմաբազա էին ստեղծել Մելաք գյուղից հյուսիս՝ M4 մայրուղուց 500 մ հեռու՝ տեղադրելով ռադարներ, ռազմական մեքենաներ և ծանր զենքեր՝ շրջապատելով բարիկադներով:

Նրանք նոյեմբերի 23-ին ավարտել են Այն Իսայից հյուսիս գտնվող Սիդա գյուղի մոտակայքում գտնվող ռազմաբազայի շինարարությունը:

Վեց խաղաղ բնակիչ էր զոհվել, ևս 16-ը՝ վիրավորվել, երբ թուրքական օկուպացիոն ուժերը գնդակոծել էին նրանց հողերը: