Ադրբեջանի խորհրդարանն առաջարկել է ԵԱՀԿ Մինսկի խմբի համանախագահների շարքից հետ կանչել Ֆրանսիային

Ադրբեջանի Միլի մեջլիսն առաջարկել է, որ երկրի կառավարությունը դիմի ԵԱՀԿ ղեկավարությանը`հետ կանչելու Ֆրանսիային այս կազմակերպության Մինսկի խմբի համանախագահներից: Այս մասին ասվում է հինգշաբթի օրենսդիր մարմնի ընդունած հայտարարության մեջ՝ ի պատասխան Ֆրանսիայի Սենատի բանաձևի, որով կառավարությանը կոչ է արվում ճանաչել Լեռնային Ղարաբաղի անկախությունը:

«Միլի մեջլիսը կոչ է անում Ադրբեջանի կառավարությանը՝ դիմել ԵԱՀԿ ղեկավարությանը` Մինսկի խմբի համանախագահներից հետ կանչելու Ֆրանսիային, որն իր դիրքորոշմամբ և հայտարարություններով վերջին օրերին կասկածի տակ է դնում իր չեզոքությունը»,- ասվում է փաստաթղթում: