Շտապ տարհանում՝ Իդլիբում. Թուրքիան «նահանջում է» Սիրիայում

Տասնյակ միավոր զրահամեքենաներ և բեռնատարներ նոյեմբերի 10-ի նախօրեին լքել են թուրքական դիրքերը Սիրիայի հյուսիս-արևմուտքում՝ Իդլիբ, Համա և Հալեպ նահանգներում: Ըստ Սիրիայի մարդու իրավունքների դիտորդական կազմակերպության (SOHR) հասարակական կազմակերպության տեղական աղբյուրների՝ թուրք զինվորականները մեկնել են Իդլիբի ապաէսկալացման գոտում իրենց վերահսկողության տակ գտնվող այլ դիտակետեր:

Մոտավորապես 140 անիվային տրանսպորտային միջոցներ, ներառյալ՝ բեռնատարներ՝ ցեմենտի բլոկներով, լքել են թուրքական դիտակետը Հալեպի արևմտյան նահանգի ծայրամասում՝ Շեյխ Օքայիլի և Քաբբան ալ Ջաբալի միջև Ալ Աթարեբի ուղղությամբ:

Բացի այդ՝  թուրքական մեծ ավտոշարասյուն լքել է Մաար-Խաթաթ ռազմական հենակետը (Իդլիբ նահանգի Մաարեթ ալ Նուման քաղաքից հարավ գտնվող համանուն գյուղը) և շարժվեց դեպի Թաֆթանազ ռազմական ավիաբազա (նահանգի վարչական կենտրոնից 20 կմ հյուսիս-արևելք), որտեղ տեղակայված են թուրքական ուժերը:

SOHR–ի աղբյուրները հաստատել են, որ Թուրքիայի զինված ուժերի զորակազմը ամբողջությամբ դուրս է բերվել Մաար Խաթաթի կետից. բոլոր այն ուժերը, որոնք նախկինում այնտեղ էին, հետ են քաշվել վերջին մի քանի ժամվա ընթացքում:

Թուրքական նախկին դիտակետերն անցել են Սիրիայի կառավարական զորքերի հսկողության տակ։

Իդլիբում թուրքական նահանջի մեկնարկի ֆոնին՝ թուրքական ազդեցությունը ուժեղացել էր Արցախում։