Ես դրանք վնասակար չեմ համարում․ Փաշինյանը՝ Հայաստանի ու Արցախի նախկին նախագահների հանդիպումների մասին

ՀՀ վարչապետ Նիկոլ Փաշինյանը «Ինտերֆաքս»-ին տված հարցազրույցում, պատասխանելով հարցին, թե ինքը որևէ կերպ ներգրավվա՞ծ է Արցախի ու Հայաստանի նախկին նախագահների՝ վերջին օրերին ակտիվացած հանդիպումներում, ասել է, որ Արցախի երկրորդ և երրորդ նախագահները իր հետ շփման մեջ են եղել, տեղեկացրել են քննարկումների ու դրանց նպատակների մասին։․

«Ես տեղեկացված եմ եղել այդ հանդիպումների ու դրանց բովանդակության մասին»,- նշել է նա։

Հարցին՝ այդ հանդիպումներն օգտակար համարո՞ւմ է, պատասխանել է․ «Ես դրանք վնասակար չեմ համարում»։

Ըստ Փաշինյանի՝ ԼՂ հակամարտության կարգավորման բանալին փոխզիջումն է ու ԵԱՀԿ Մինսկի խմբի, հատկապես՝ Ռուսաստանի ակտիվ ներգրավումը կարգավորման գործընթացում։