Հաստատվել է կորոնավիրուսային հիվանդության 263 նոր դեպք. մահացել է 5 քաղաքացի

Հայաստանում օգոստոսի 20-ին՝ ժամը 11:00-ի դրությամբ նոր կորոնավիրուսով վարակվելու 263 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:
Ընդհանուր առմամբ՝ վարակվածների ընդհանուր թիվը հասել է 42319-ի։
Փաստացի այս պահին բուժվում է 5756 պացիենտ:
Ընդհանուր թեստերի թիվը կազմում է 190560, վերջին մեկ օրում կատարվել է 1993 թեստավորում։
Վերջին տվյալներով ապաքինվել է 35476 անձ` վերջին մեկ օրում 250 անձ:
Ընդհանուր առմամբ 836 պացիենտ մահացել է (վերջին մեկ օրում ավելացել է 3-ով)։
Անցած մեկ օրում կորոնավիրուսով վարակված պացիենտների՝ այլ հիվանդությունից մահվան 2 դեպք է գրանցվել, այսպիսի դեպքերի թիվը 251 է։ Մահվան ընդհանուր դեպքերի թիվն, այդպիսով, հասել է 1087-ի։