Շերոն Սթոունը ԱՄՆ կառավարությանը մեղադրում է կորոնավիրուսի մասին ստելու մեջ

Ամերիկացի դերասանուհի Շերոն Սթոունը մեղադրանքներ է հնչեցրել ԱՄՆ  իշխանությունների հասցեին։ news.ru-ի հաղորդմամբ՝ նա հայտարարել է, որ կառավարությունը խաբում է քաղաքացիներին կորոնավիրուսի վիճակի հետ կապված։

Դերասանուհին Ինսթագրամում գրել է, որ իր քույրն ամուսնու հետո COVID-19-ով են հիվանդանցել, այժմ հիվանդանոցում են և գտնվում են ծանր վիճակում։ Դերասանուհին հայտարարել է, որ Մոնտանա նահանգում, որտեղ այժմ գտնվում են իր հարազատները,  անհնար է անալիզներ հանձնել, քանի դեռ չեն հայտնվել հիվանդության ախտանիշները:

«Երբ նրանք ասում են, որ բոլորի համար թեստեր կան, ստում են։ Երբ նրանք ասում են, որ բուժքույրերի համար թեստեր կան, ստում են։ Մարդիկ մահանում են և պայքարում են իրենց կյանքի համար, որովհետև բացի ստից այլ բան չկա»,-  գրել է Շերոն Սթոունը։

Դերասանուհին կոչ է արել նախագահական ընտրություններում քվեարկել դեմոկրատների  թեկնածու Բայդենի օգտին։