Ադրբեջանը և Թուրքիան լայնածավալ վարժություններ կանցկացնեն

Ադրբեջանի և Թուրքիայի ցամաքային զորքերի և օդուժի մասնակցությամբ Ադրբեջանում կանցկացվեն Ադրբեջան-Թուրքիա համատեղ լայնածավալ մարտավարական և թռիչքային-մարտավարական զորավարժություններ՝ կենդանի կրակի ուղեկցությամբ. հայտնում է Ադրբեջանի պաշտպանության նախարարության մամուլի ծառայությունը:

Ըստ տեղեկությունների՝ զորավարժություններն անցկացվելու են Ադրբեջանի և Թուրքիայի միջև ռազմական համագործակցության մասին համաձայնագրին համապատասխան՝ համաձայն տարեկան պլանի:

Համատեղ զորավարժություններում ներգրավվելու են զրահապատ մեքենաներ, հրետանային կայանքներ և ականանետեր, ինչպես նաև երկու երկրների բանակների ռազմական ավիացիոն և հակաօդային պաշտպանության տեխնիկա:

Համաձայն պլանի՝ Ցամաքային ուժերը զորավարժություններ կանցկացնեն օգոստոսի 1-ից 5-ը Բաքվում և Նախիջևանում, իսկ զորավարժությունները՝ ռազմական ավիացիայի մասնակցությամբ, կանցկացվեն հուլիսի 29-ից օգոստոսի 10-ը՝ Բաքվում, Նախիջևանում, Գյանջայում, Քուրդամիրում և Եվլախում: