2 ավիաաղետներից հետո ԱՄՆ-ում մեկնարկել են Boeing 737 MAX ինքնաթիռների փորձնական թռիչքները

ԱՄՆ-ի քաղավիացիայի Դաշնային վարչությունը (FAA) սկսել է Boeing 737 MAX ինքնաթիռների փորձնական թռիչքներ իրականացնել ավելի քան մեկ տարի առաջ տեղի ունեցած երկու ավիավթարներից հետո. այս մասին հայտնում է  CNBC-ն, նշելով՝ առաջին չվերթն իրականացվել է հունիսի 29-ի առավոտյան Սիեթլում, որտեղ գտնվում են Boeing-ի հիմնական արտադրական օբյեկտները: Իսկ մյուս թռիչքները տեղի կունենան երեք օրվա ընթացքում:

Այս առնչությամբ վարչությունում նշել են՝ մանրամասն վերլուծելու են ինքնաթիռների աշխատանքը. «Մենք կչեղարկենք թռիչքների արգելքը միայն այն ժամանակ, երբ համոզվենք, որ օդանավը համապատասխանում է սերտիֆիկացման չափանիշներին», - մանրամասնել են նրանք։ 

Հիշեցնենք՝ Boeing 737 Max ինքնաթիռները վթարի են ենթարկվել Ինդոնեզիայում և Եթովպիայում. վթարների արդյունքում 346 մարդ է մահացել: