Իրանը պահանջում է Թրամփի նկատմամբ հետախուզում հայտարարել

Իրանի դատական իշխանությունները Ինտերպոլից պահանջում են ԱՄՆ նախագահ Դոնալդ Թրամփին ներառել միջազգայնորեն հետախուզվողղներ ցուցակում Իսլամական հեղափոխության պահապանների կորպուսի գեներալ Ղասեմ Սուլեյմանիի սպանության համար. հայտնում է РИА Новости- ն՝ վկայակոչելով Mehr գործակալությանը:

«Հնարավոր եղավ նույնականացնել 36 մարդու, ովքեր ներգրավված էին Ղասեմ Սուլեյմանիի սպանությանը և մասնակցել են նախապատրաստմանը, որոնց թվում կան ԱՄՆ-ի և այլ երկրների քաղաքական և ռազմական գործիչներ», - ասում է Թեհրանի դատախազ Ալի Մեհրը:

Ըստ նրա՝ Իրանի դատական իշխանությունները բանաձև են ընդունել՝ նրանց պատասխանատվության ենթարկելու և «Ինտերպոլի» միջոցով կարմիր կարգավիճակով հետախուզու հայտարարելու մասին, ինչը ենթադրում է, որ ամբողջ աշխարհում իրավապահ ուժերը կհեշտացնեն հայցվող կասկածյալի որոնումն ու ձերբակալումը:

Դատախազը հավելեց, որ այդ անձինք մեղադրվում են «սպանության» և «ահաբեկչության» մեջ. Ցուցակը գլխավորում է ԱՄՆ նախագահ Դոնալդ Թրամփը:

ԱՄՆ-ը հունվարի 3-ին Բաղդադում Սուլեյմանին վերացնելու գործողություն էր իրականացրել: Ի պատասխան՝ Իրանը հրթիռային գրոհներ էր սկսել իրաքյան ռազմակայանի վրա, որտեղ տեղակայված են ամերիկյան զորքերը: