ԱՄՆ-ն պատժամիջոցներ է սահմանել իրանական միջուկային ծրագրի երկու ղեկավարների նկատմամբ

ԱՄՆ-ն պատժամիջոցներ է սահմանել իրանական միջուկային ծրագրի երկու ղեկավարների նկատմամբ. այս մասին հայտարարել է ԱՄՆ պետքարտուղար Մայք Պոմպեոն։

«Ես պատժամիջոցներ եմ սահմանում Մաջիդ Ագաիի և Ամջադա Սազգարի նկատմամբ։ Գիտնականները թող ընտրեն՝ շարունակեն աշխատել խաղաղ միջավայրում թե ռիսկի դիմել և հայտնվել պատժամիջոցների տակ», - գրել է Պոմպեոն իր թվիթերյան էջում։

Պոմպեոն մանրամասնել է, որ պատժամիջոցների պատճառը գիտնականների կողմից մասսայական ոչնչացման զենքի ստեղծումն է։

Ըստ Պոմպեոյի՝ Սազգարը Իրանի ատոմային էներգիայի կազմակերպության ղեկավարն է, ով պատասխանատու է ուրանի հարստացման համար։

Ագաին նույնպես համարվում է վերոնշյալ կազմակերպության անդամ և ղեկավարում է դրա դուստր կազմակերպություններից մեկը։